საქართველოს ადვოკატთა ასოციაციის ორგანიზებით, საერთაშორისო სამართლებრივი თანამშრომლობის გერმანული ფონდისა (IRZ)  და გერმანიის  ადვოკატთაფედერალური ასოციაციის (BRAK) მხარდაჭერით, თბილისში, 14-15 ნოემბერს, ადვოკატთა ასოციაციის წევრებისთვის გაიმართება გერმანულ-ქართული სამართლის კონფერენცია.

ღონისძიებას გახსნიან საქართველოს ადვოკატთა ასოციაციის თავმჯდომარე დავით ასათიანი, საერთაშორისო სამართლებრივი თანამშრომლობის გერმანული ფონდისა (IRZ)   და    ადვოკატთა ფედერალური ასოციაციის (BRAK)  წარმომადგენლები.

კონფერენციას გაუძღვებიან სამართლის ექსპერტები - ბერლინის სასამართლოს ვიცე-პრეზიდენტი, ანია თეშნერი და ბრანდერბურგის რეგიონალური ადვოკატთა ასოციაციის პრეზიდენტი, დოქტორი ფრენკ ენგელმანი, აგრეთვე ქართველი ექსპერტები,ადვოკატები - თეა ხამხაძე და ლაშა კალანდაძე. კონფერენციის ფარგლებში განხილული იქნება სამოქალაქო სამართლის ისეთი მნიშვნელოვანი საკითხები, როგორიცაა:

1. დაუსწრებელი გადაწყვეტილების პროცესუალური წესები და მისი ეფექტი და ურთიერთიმართება შეჯიბრობითობის პრინციპთან;
2. იმპერატიული ნორმის ხასიათი გერმანულ სამართალში და მისი კავშირი მხარეთა მიერ დადებულ შეთანხმებებთან;
3. შეჯიბრებითობის პრინციპი და მტკიცების ტვირთის გადანაწილების თავისებურებები;
4. ბიზნეს დავების განხილვის თავისებურებები;
5. პროცესები მრავალი მხარის მონაწილეობით და მისი თავისებურებები;
6. სარჩელის უზრუნველყოფის ღონისძიებები და შებრუნების გარანტიები;
   
   

ღონისძიებაზე დარეგისტრირებას შეძლებს პირველი 40 სამოქალაქო და საერთო სპეციალიზაციის ადვოკატი, რეგისტრაციისთვის გადადით ბმულზე

ღონისძიების დღის წესრიგი მოგვიანებით გაეგზავნებათ ელ. ფოსტის მისამართზე მხოლოდ დარეგისტრირებულ ადვოკატებს.

გისურვებთ წარმატებას!